कल्याणकारी उपक्रम

सोलापूर ग्रामीण पोलीस दलाकडून जिल्ह्यात बाल विवाह रोखण्यासाठी राबविण्यात येत असलेल्या बालविवाह प्रतिबंधक योजनेची दखल .. महाराष्ट्र राज्य बाल हक्क संरक्षण आयोग, मुंबई यांच्या कडून घेण्यात आली आहे. त्यामुळेच या उपक्रमास "बालस्नेही पुरस्कार 2024 " हा पुरस्कार देऊन सन्मानित करण्यात आले आहे

सोलापूर ग्रामीणचे पोलीस अधीक्षक श्री. अतुल कुलकर्णी यांनी पोलीस मुख्यालयात सेंद्रिय शेतीचा एक स्तुत्य उपक्रम हाती घेतला आहे. या उपक्रमाचा उद्देश म्हणजे पोलीस कर्मचारी व स्थानिक नागरिकांमध्ये शाश्वत व रसायनमुक्त शेतीची जाणीव निर्माण करणे. मुख्यालयातील उपलब्ध जागेचा उपयोग करून सेंद्रिय पद्धतीने भाजीपाला व पीक लागवड केली जात आहे, ज्यामुळे निरोगी जीवनशैलीला प्रोत्साहन मिळते व नैसर्गिक शेतीचे महत्त्व अधोरेखित होते. हा उपक्रम पर्यावरण संवर्धन आणि आत्मनिर्भरतेकडे एक सकारात्मक पाऊल आहे.

अतुल कुलकर्णी, पोलीस अधीक्षक, सोलापूर ग्रामीण यांनी पोलीस खात्याच्या अभिलेख पाहता मालमत्तचे गुन्ह्यातील मोठ्या प्रमाणातील आरोपी हे पारधी समाजातील असल्याचे लक्षात आल्या नंतर या समाजातील लोकांना गुन्हेगारीतून बाहेर काढण्यासाठी "पहाट" हा अभिनव उपक्रम सुरूवात केली आहे. सदर उपक्रमाची सुरूवात ०६ सप्टेंबर २०२४ रोजी पोलीस मुख्यालय, सोलापूर ग्रामीण येथील अलंकार हॉलमधील पारधी समाज बांधवाच्या मेळाव्याने केली आहे.